දේශපාලකයෝ වත්කම් හංගනවාද? "හම්බ කරපු විදිහ හෙළි නොකරන හැම වත්කමක්ම සැකසහිතයි" අමාත්‍ය නාලින්ද ජයතිස්ස

කොළඹදී (අප්‍රේල් 23) පැවති සතිපතා කැබිනට් මාධ්‍ය හමුවේදී කැබිනට් ප්‍රකාශක අමාත්‍ය නාලින්ද ජයතිස්ස මහතා පවසා සිටියේ දේශපාලකයන් වත්කම් උපයාගෙන තිබීම ගැටලුවක් නොවන බවයි. එහෙත් ඒවා උපයාගත් ආකාරය පැහැදිලිව හෙළි කළ යුතු බව ඔහු අවධාරණය කළේය.

ඔහු සඳහන් කළේ සියලුම දේශපාලකයන් තම වත්කම් හා වගකීම් ප්‍රකාශ කිරීම අනිවාර්ය බවත්, එමඟින් ජනතාවට ඒවා සාධාරණ ලෙස උපයාගෙන තිබේද යන්න තක්සේරු කිරීමට හැකි වන බවත්ය.

අමාත්‍ය ලාල් කාන්ත මහතාගේ වත්කම් සම්බන්ධ ප්‍රශ්නයකට පිළිතුරු දීමේදී නාලින්ද ජයතිස්ස මහතා කියා සිටියේ, ඔහු පෞද්ගලික රූපවාහිනී නාලිකාවකට ඉල්ලීම් ලිපියක් යොමු කර ඇති අතර ඒ සම්බන්ධයෙන් අවශ්‍ය පියවර ගන්නා බවයි.

ඔහු තවදුරටත් සඳහන් කළේ සිය වත්කම් හා වගකීම් සියල්ලම හෙළි කර ඇති බවත්, වත්කම් තිබීම ගැටලුවක් නොවන බවත්ය.

වැදගත් වන්නේ ඒවා උපයාගත් ආකාරය පැහැදිලිව ප්‍රකාශ කිරීම බව ඔහු අවධාරණය කළේය.

අවසානයේ ඔහු කියා සිටියේ යම් වත්කමක් උපයාගත් ආකාරය හෙළි නොකළහොත් එය සැකසහිත බව පෙනෙන බවයි.