හිටපු ජනපති ආර්යාවගෙන් CID ප්‍රශ්න කිරීම ගැන එජාපය කතා කරයි!

හිටපු ජනපති ආර්යා මහාචාර්ය මෛත්‍රී වික්‍රමසිංහ මහත්මියගෙන් අපරාධ විමර්ශන දෙපාර්තමේන්තුව (CID) මඟින් ප්‍රශ්න කිරීම සම්බන්ධයෙන් එක්සත් ජාතික පක්ෂය කණගාටුව පළ කර ඇත.

එම පක්ෂයේ සභාපති වජිර අබේවර්ධන මහතා පවසන්නේ, හිටපු ජනාධිපති රනිල් වික්‍රමසිංහ මහතාගේ හෘද ශල්‍යකර්මයෙන් පසු ඔහුට අමුත්තන් හමුවීම වැළැක්වීමට උපදෙස් ලබා දී ඇති බවයි. එම හේතුවෙන් දේශපාලන මිතුරන් සහ සගයන් පවා ඔහු බැලීමට නොයන බවද සඳහන් කළේය.

එමෙන්ම, මෛත්‍රී වික්‍රමසිංහ මහත්මිය ද දිගුකාලීන රෝගයකින් පීඩා විඳින අතර, මෙවන් තත්වයකදී ඇයගෙන් ප්‍රශ්න කිරීම අසතුටට හේතු වන බවද ඔහු ප්‍රකාශ කළේය.

මෙම ප්‍රශ්න කිරීම පෙරවරු 9.00ට ආරම්භ වී පස්වරු 1.00ට අවසන් වූ බව වාර්තා වේ.

තවද, මෙම සිද්ධිය රජය මුහුණ දෙන වෙනත් ගැටළු වසා දැමීමේ උත්සාහයක් විය හැකි බවට ද සැක පළ වේ.