අල්ලස් කොමිසම රතු එළි දල්වයි , හිටපු බලශක්ති ඇමතිට එරෙහිව මහධිකරණයේ නඩුවට දින නියම වෙයි

අල්ලස් හෝ දූෂණ චෝදනා විමර්ශන කොමිෂන් සභාව විසින් හිටපු විදුලි බල හා බලශක්ති අමාත්‍ය කුමාර ජයකොඩි මහතාට එරෙහිව ගොනු කර ඇති නඩුව, කොළඹ මහධිකරණයේ 2026 ජූනි 17 දින විභාග කිරීමට නියමිතව ඇත.

මෙම නඩුවට අනුව, ජයකොඩි මහතා 2016 වසරේදී ලංකා පොහොර සමාගමේ ආනයන හා සැපයුම් කළමනාකරු ලෙස කටයුතු කළ සමයේ, රජයට රුපියල් මිලියන 8.8 ක පාඩුවක් සිදුකර ඇති බවට චෝදනා එල්ල වී තිබේ.

පූර්ව නඩු සම්මුඛ සාකච්ඡාව (pre-trial conference) අවසන් වීමෙන් පසුව, විනිසුරු ගොඩවෙල විසින් නඩු විභාගය ජූනි 17 දින ආරම්භ වන බව ප්‍රකාශ කළේය.

තවද, එදින අධිකරණයේ හමුවීමට පැමිණෙන ලෙස පැමිණිලි පාර්ශවයේ සාක්ෂිකරුවන් දෙදෙනෙකුට කැඳවීම් නිකුත් කරන ලෙසද අධිකරණය නියෝග කර ඇත.