නඩු 4කටම වරදකරු වෙයි! සරණ ගුණවර්ධනට මහාධිකරණයෙන් ලැබුණු තීන්දුව

රජයට ඍජුවම පාඩු සිදුවන අයුරින් කටයුතු කිරීම ඇතුළු දූෂණ චෝදනා කිහිපයකට අදාළව, හිටපු නියෝජ්‍ය අමාත්‍ය සරණ ගුණවර්ධන මහතා වරදකරු බව කොළඹ මහාධිකරණය අද (09) නිල වශයෙන් තීන්දු කළේය.

අල්ලස් හෝ දූෂණ චෝදනා විමර්ශන කොමිෂන් සභාව විසින් ඒ මහතාට එරෙහිව ගොනුකර තිබූ නඩු හතරකටම (04) සරණ ගුණවර්ධන මහතා වරදකරු කෙරුණු අතර, එහිදී එක් එක් නඩුවට බරපතළ වැඩ සහිත වසර 4 බැගින් වන පරිදි සමස්තයක් ලෙස වසර 16ක සිරදඬුවම් නියම කෙරිණි.

මීට අමතරව රුපියල් ලක්ෂ 18ක දඩ මුදලක් ද අධිකරණය විසින් නියම කර ඇත.

දීර්ඝ විභාගයකින් පසු මෙම ඓතිහාසික නඩු තීන්දුව ප්‍රකාශයට පත් කරනු ලැබුවේ කොළඹ මහාධිකරණ විනිසුරු මොහොමඩ් මිහායිල් මහතා විසිනි.

ලොතරැයි මණ්ඩලයේ වාහන ජාවාරමමෙම නඩු තීන්දුවට පාදක වූ සිදුවීම වාර්තා වන්නේ මීට වසර කිහිපයකට පෙර සිටය.

වර්ෂ 2006 දී සංවර්ධන ලොතරැයි මණ්ඩලයේ (DLB) සභාපති ධුරය දරමින් සිටි සමයේදී සරණ ගුණවර්ධන මහතා එම ආයතනයේ පරිහරණය සඳහා යැයි පවසමින් කුලී පදනම මත (Rent) වාහන කිහිපයක් ලබාගෙන තිබුණි.

කෙසේ වුවද, එහිදී සාමාන්‍ය රාජ්‍ය ප්‍රතිපත්ති උල්ලංඝනය කරමින් සහ රජයේ මුදල් අනිසි ලෙස අවභාවිත කරමින්, සිතාමතාම තමන් දැරූ රාජ්‍ය ආයතනයට බරපතළ මූල්‍යමය පාඩුවක් සිදු කිරීමට ඔහු ක්‍රියා කර ඇති බව විමර්ශනවලදී මැනවින් අනාවරණය විය.

රාජ්‍ය දේපළ අවභාවිතය සහ දූෂණය නමැති බරපතළ වරද යටතේ අල්ලස් හෝ දූෂණ චෝදනා විමර්ශන කොමිෂන් සභාව විසින් පසුව මහාධිකරණය හමුවේ මෙම නඩුකරයන් 04 ගොනු කර තිබුණි.

තීන්දුව ප්‍රකාශයට පත් කිරීමෙන් අනතුරුව වරදකරු වූ හිටපු නියෝජ්‍ය අමාත්‍යවරයාව බන්ධනාගාර නිලධාරීන්ගේ භාරයට පත් කිරීමට පියවර ගැනුණි.