දිස්ත්‍රික්ක 9කට නායයෑමේ අනතුරු ඇඟවීම් තවදුරටත්
22 Oct 2026, 5:41 PM |
News |
Views: 6
පවතින අයහපත් කාලගුණික තත්ත්වය හමුවේ දිස්ත්‍රික්ක 9ක ප්‍රදේශ කිහිපයක් සඳහා නායයෑමේ අනතුරු ඇඟවීම් තවදුරටත් නිකුත් කර තිබේ.
ජාතික ගොඩනැගිලි පර්යේෂණ සංවිධානය විසින් අද (22) පස්වරු 4.00ට නිකුත් කළ මෙම නිවේදනය හෙට (23) පස්වරු 4.00 දක්වා බලපැවැත්වේ.
ඒ අනුව කළුතර, රත්නපුර, මහනුවර, කෑගල්ල සහ නුවරඑළිය යන දිස්ත්‍රික්කවල ප්‍රදේශ කිහිපයක් සඳහා දෙවන මට්ටමේ (ඇම්බර්) අනතුරු ඇඟවීම් නිකුත් කර ඇත.
එමෙන්ම බදුල්ල, කොළඹ, කළුතර, මහනුවර, කෑගල්ල, මොනරාගල, රත්නපුර, නුවරඑළිය සහ කුරුණෑගල යන දිස්ත්‍රික්කවල ප්‍රදේශ කිහිපයක් සඳහා පළමු මට්ටමේ (කහ) අනතුරු ඇඟවීම් නිකුත් කර තිබේ.
අදාළ ප්‍රදේශවල ජනතාව පවතින කාලගුණික තත්ත්වය පිළිබඳ අවධානයෙන් පසුවීම වැදගත් වේ.
