මුදල් අමාත්යාංශයේ සයිබර් හොරකම ගැන IMF නිල ප්රකාශයක් කරයි
25 Apr 2026, 12:51 PM |
Economy |
Views: 6
මුදල් අමාත්යාංශයේ පරිගණක පද්ධතිවලට අනවසරයෙන් ප්රවේශ වී සිදුකළ ඇමරිකානු ඩොලර් මිලියන 2.5ක සයිබර් මුදල් වංචාව, International Monetary Fund (IMF) අවධානයට ලක්ව ඇති බව එම ආයතනයේ ප්රකාශකයෙකු සඳහන් කළේය.
ජනමාධ්ය වෙත ලබාදුන් පිළිතුරකදී, IMF ප්රකාශකයෙකු කියා සිටියේ ශ්රී ලංකා මුදල් අමාත්යාංශය විසින් නිකුත් කළ නිවේදනය අනුව, ණය කළමනාකරණ දෙපාර්තමේන්තුව (ERD) පරිගණක පද්ධතිවලට අනවසර ප්රවේශයක් සිදු වී ඇති බව තමන් දැනුවත් බවයි.
මෙම සිද්ධිය පිළිබඳව සමීපව නිරීක්ෂණය කරමින් සිටින බවද ඔහු සඳහන් කළේය.
මෙම මුදල් ඔස්ට්රේලියාවට ගෙවීමට තිබූ ණයක් ආපසු ගෙවීම සඳහා භාවිතා කිරීමට නියමිතව තිබූ බව වාර්තා වේ.
ශ්රී ලංකාව 2022 වසරේදී මුහුණ දුන් දරුණු ආර්ථික අර්බුදයෙන් පසුව මේ වන විට IMF සහය ඇතිව ප්රතිසංස්කරණ වැඩසටහනක් ක්රියාත්මක කරමින් පවතී.
එමෙන්ම, IMF හා ශ්රී ලංකා බලධාරීන් අතර ආර්ථික ප්රතිපත්ති පිළිබඳ කාර්ය මට්ටමේ එකඟතාවයක්ද ඇති වී ඇති අතර, එය IMF විධායක මණ්ඩලය අනුමත කළහොත්, ශ්රී ලංකාවට ඩොලර් මිලියන 700ක පමණ මුදල් පහසුකම් ලබාගැනීමට හැකි වේ.
IMF විසින් 2023 මාර්තු 20 දින ආරම්භ කළ මෙම වැඩසටහන සමස්තයෙන් ඩොලර් බිලියන 3ක මුදලක් සපයන එකක් බවද සඳහන් වේ.
