"මම මේකට කැමති නැහැ !" ඉරානයේ සාම කොන්දේසිවලට ට්‍රම්ප්ගෙන් රතු එළියක්

ජනාධිපති ට්‍රම්ප් මැදපෙරදිග පවතින ගැටුම අවසන් කිරීම සඳහා ඇමරිකානු සහාය ඇතිව ඉදිරිපත් කළ යෝජනාවට ඉරානය ලබාදුන් ප්‍රතිචාරය ප්‍රතික්ෂේප කර තිබේ.

ඔහු එම ප්‍රතිචාරය “සම්පූර්ණයෙන්ම පිළිගත නොහැකි එකක්” ලෙස හැඳින්වීය.

ජාත්‍යන්තර මාධ්‍ය වාර්තා අනුව, ඉරානය තම ප්‍රතිචාරය ඇමරිකාව සහ ඉරානය අතර මැදිහත්කරුවෙකු ලෙස කටයුතු කරන පාකිස්තානය හරහා ඉදිරිපත් කර ඇත.

ඉරානයේ අර්ධ රාජ්‍ය මාධ්‍යයක් වන Tasnim News Agency වාර්තා කළේ, ටෙහෙරානයේ යෝජනාවට සියලුම පෙරමුණු වල යුද්ධය වහාම නතර කිරීම, ආර්ථික සම්බාධක ඉවත් කිරීම, ඇමරිකානු නාවික අවහිරය නවතා දැමීම සහ ඉදිරියේදී ඉරානයට එරෙහි ප්‍රහාර නොමැති බවට සහතික ලබාදීම ඇතුළත් වූ බවයි.

Donald Trump තම Truth Social ගිණුමෙන් ප්‍රතිචාර දක්වමින් මෙසේ සඳහන් කළේය:

“මම දැන් ඉරානයේ නියෝජිතයන්ගෙන් ලැබුණු ප්‍රතිචාරය කියෙව්වා. මා එයට කැමති නැහැ — එය සම්පූර්ණයෙන්ම පිළිගත නොහැකි එකක්!”