නව වාහන ලීසිං සීමාවන් පිළිබඳව දැනුවත් වන්න !

ශ්‍රී ලංකා මහ බැංකුව විසින් වාහන මිලදී ගැනීම සඳහා ලබා දෙන ණය (Credit Facilities) සහ ලීසිං පහසුකම් සඳහා වන උපරිම 'ණය-වටිනාකම් අනුපාතයන්' (LTV Ratios) සංශෝධනය කරමින් නව නියෝග මාලාවක් නිකුත් කර තිබේ.

මෙම නියෝග 2026 මැයි 25 දින සිට සියලුම බැංකු සහ ලියාපදිංචි මූල්‍ය ආයතන සඳහා බලපැවැත්වේ.

නව ණය සීමාවන් (LTV Ratios) මෙසේය:

1. ශ්‍රී ලංකාව තුළ වසරකට වඩා භාවිත කළ ලියාපදිංචි වාහන:

ඕනෑම වර්ගයක වාහනයක් සඳහා ලබා ගත හැකි උපරිම ණය මුදල වෙළඳපොළ වටිනාකමෙන් 60% කි.

2. ලියාපදිංචි නොකළ හෝ වසරකට අඩු කාලයක් භාවිත කළ වාහන:

වාණිජ වාහන (C, C1, CE, D, D1, DE, G, G1, J කාණ්ඩ, සැහැල්ලු ට්‍රක් රථ සහ සිංගල් කැබ්): උපරිම ණය සීමාව 60% කි.

මෝටර් රථ, SUV, වෑන්, ත්‍රිරෝද රථ සහ අනෙකුත් වාහන (A, A1, B, B1 කාණ්ඩ): උපරිම ණය සීමාව 40% කි.

වාහනයේ වටිනාකම තීරණය කරන්නේ කෙසේද?
ණය මුදල ගණනය කිරීම සඳහා වාහනයේ සාධාරණ වෙළඳපොළ වටිනාකම (Market Value) පහත පරිදි තහවුරු කළ යුතුය:

* Brand New වාහන: බලයලත් නියෝජිතයාගේ තහවුරු කිරීම.

* Reconditioned වාහන: රේගු නිෂ්කාශන අගය හෝ අලෙවිකරුගේ ඉන්වොයිස් වටිනාකම.

* භාවිත කළ වාහන: වෘත්තීය ඇගයීම්කරුවෙකු (Professional Valuer) විසින් ලබාදෙන තක්සේරුව.

මෙම නියෝග මගින් 2025 අංක 03 දරන පෙර පැවති මහ බැංකු නියෝගය අවලංගු වන අතර, මීට පෙර විවෘත කරන ලද ණයවර ලිපි (LCs) සඳහා විශේෂ සංක්‍රාන්ති කාලීන ප්‍රතිපාදන අදාළ වේ.

මෙම පියවර මගින් මූල්‍ය පද්ධතියේ ස්ථාවරත්වය තහවුරු කිරීම සහ අවදානම් කළමනාකරණය කිරීම මහ බැංකුවේ අරමුණයි.

වැඩිදුර තොරතුරු සඳහා ඔබගේ මූල්‍ය ආයතනය වෙත යොමුවන්න.