එකම එක ට්‍රක් රථයක් කැඩී යාමෙන් මුළු ලෝකයම කම්පා කළ මහා මිනී කන්දක්! සහරා කතරෙන් ඊයේ හමුවූ බිහිසුණු රහස මෙන්න...

සහරා කාන්තාරය හරහා ගමන් කරමින් තිබූ ට්‍රක් රථයක් හදිසියේම කාර්මික දෝෂයකට ලක්ව නතර වීම හේතුවෙන්, එහි ගමන් ගත් පුද්ගලයින් 49 දෙනෙකු දැඩි පිපාසය උදෙසා දරාගත නොහැකිව ජීවිතක්ෂයට පත්ව තිබේ.

කාන්තාරයේ අතරමංව සිටියදී මියගිය මෙම අවාසනාවන්ත පිරිසගේ මළසිරුරු ඊයේ (05) දිනයේදී සොයාගත් බව විදෙස් මාධ්‍ය වාර්තා කරයි.

මාලි සහ ඇල්ජීරියා යන රටවල දේශසීමාව ආසන්නයේ පිහිටි 'අසමකා' (Assamaka) ප්‍රදේශයේ සිට කිලෝමීටර් 80කට වඩා (සැතපුම් 49) බටහිර දෙසින් වූ කාන්තාර කලාපයේදී මෙම ට්‍රක් රථය කාර්මික දෝෂයකට ලක්ව තිබේ.

මියගිය සියලු දෙනාම නයිජීරියානු ජාතිකයින් වන අතර, ඔවුන් මාලි රාජ්‍යයේ පැවැති විශේෂ ආගමික උත්සවයකට සහභාගී වී නැවත සිය මව් රට බලා පැමිණෙමින් සිටියදී මෙම බිහිසුණු ඉරණමට ගොදුරු වී ඇත.

මෙම දරුණු අනතුරෙන් සහ පිපාසයෙන් දෙදෙනෙකු පමණක් ආශ්චර්යමත් ලෙස සිය දිවි බේරා ගැනීමට සමත්ව තිබේ.

ඔවුන් ජීවිතය රැකගැනීම සඳහා ජලය සහ උපකාර සොයා දැඩි සූර්ය රශ්මිය හමුවේ කාන්තාරය මැදින් කිලෝමීටර් 50කට වඩා (සැතපුම් 31) වැඩි දුරක් පයින්ම ගමන් කර ඇති අතර, පසුව ඔවුන් සේන්දු වී ඇත්තේ 'අසමකා' නගරය වෙතය.

දිවි බේරාගත් දෙදෙනා විසින් ප්‍රාදේශීය බලධාරීන්ට ලබා දුන් හදිසි තොරතුරුවලට අනුව වහාම ක්‍රියාත්මක වූ නයිජීරියානු සහන කණ්ඩායම් අදාළ ස්ථානය වෙත ළඟා වී ඇත.

එහිදී කාර්මික දෝෂයට ලක්ව තිබූ ට්‍රක් රථය යට සහ ඒ අවට වැලි කඳු මත විසිරී තිබූ මළ සිරුරු 49ම සොයාගැනීමට සහන කණ්ඩායම්වලට හැකි විය.

කාන්තාරයේ පවතින දේශගුණික තත්ත්වයන් සැලකිල්ලට ගනිමින්, පසුව එම සිරුරු සියල්ලම අනතුර සිදු වූ ස්ථානයේම සමූහ මිනී වළක (Mass Grave) නිසි අයුරින් තැන්පත් කිරීමට එරට බලධාරීන් පියවර ගෙන තිබේ.