ශ්‍රී ලංකාවේ යුද ක්‍රම ගාසා තීරයටත්?

2008–2009 වසරවල ගාසා තීරයේ පැවති යුද මෙහෙයුම් අතරතුර ඊශ්‍රායල ආරක්ෂක හමුදා විසින් සිවිල් වැසියන්ට සිදු වූ හානි අවම කිරීමට යොදාගත හැකි නවීන තාක්ෂණය භාවිත කරමින් බරපතළ යුද අපරාධ සිදු කළ බවට චෝදනා එල්ල වී තිබේ.

‘ඔපරේෂන් කාස්ට් ලීඩ්’ ලෙස හැඳින්වූ එම මෙහෙයුමේදී මිනිසුන් රහිත සන්නද්ධ ගුවන් යානා (UAV) භාවිත කර තිබූ අතර, එම තාක්ෂණය සිවිල් වැසියන්ට සිදුවන හානි අවම කිරීමට ද යොදාගත හැකිව තිබූ බව වාර්තාව පෙන්වා දෙයි.

එම මෙහෙයුම්වලින් පසුව ඊශ්‍රායලයේ සන්නද්ධ ඩ්‍රෝන යානා විදේශ රටවලට අලෙවි කිරීම ඉහළ ගොස් තිබේ.
ගාසා තීරයේ ඩ්‍රෝන යානා භාවිතය පුළුල් වීමත් සමඟ එම නිෂ්පාදන ඊශ්‍රායලයේ ආරක්ෂක කර්මාන්තයේ ලාභදායී අපනයන භාණ්ඩයක් බවට පත්ව ඇති බව ද ලිපියේ සඳහන් වේ.

ශ්‍රී ලංකාවේ සිවිල් යුද්ධයේ අවසන් අදියරේදී රජය භාවිත කළ ක්‍රමවලට සමාන ක්‍රම ගාසා තීරයේදී ඊට වඩා විශාල පරිමාණයකින් ක්‍රියාත්මක කර ඇති බවට ද ලිපියෙන් අදහස් පළ කරයි.