සම්පත් බැංකුවෙන් වාහන ලීසිං පහසුකම්වලට විශේෂ වට්ටමක්

සම්පත් බැංකුව සහ ඩේවිඩ් පීරිස් ඔටෝමොබයිල්ස් සමාගම එක්ව වාහන මිලදී ගන්නා පාරිභෝගිකයන්ට විශේෂ මූල්‍ය පහසුකම් සහ ප්‍රතිලාභ ලබාදීමට පියවර ගෙන තිබේ.

ඒ අනුව, අදාළ කොන්දේසිවලට යටත්ව වාහන ලීසිං සඳහා ප්‍රකාශිත පොලී අනුපාතයෙන් ප්‍රතිශත ලක්ෂ්‍ය 0.5ක අඩු කිරීමක් ලබාදීමට නියමිතය.

මීට අමතරව, වාහන රක්ෂණ වාරික ගෙවීම සඳහා ලබාගන්නා ණය මුදල් මාස දෙකක් ඇතුළත පියවන්නේ නම් පොලී රහිත පහසුකම් හිමිවේ.

එමෙන්ම, සම්පත් බැංකුවේ ක්‍රෙඩිට් කාඩ්පත් සඳහා එක්වීමේ ගාස්තුවක් අය නොකිරීම සහ රක්ෂණ වාරික මාස 12ක් දක්වා සියයට 0ක පොලියක් යටතේ වාරික වශයෙන් ගෙවීමේ පහසුකම් ද ලබාදීමට නියමිතය.

ඩේවිඩ් පීරිස් ඔටෝමොබයිල්ස් සමාගම මගින් වාහන ලියාපදිංචිය නොමිලේ සිදුකර දීම සහ තුන්වන වාහන සේවා වාරයේදී ශ්‍රම ගාස්තු අය නොකිරීම ඇතුළු අමතර ප්‍රතිලාභ ද පාරිභෝගිකයන්ට හිමිවේ.

HAVAL, TANK, ORA සහ BAIC ඇතුළු වාහන සන්නාම මෙරට බෙදාහරින ඩේවිඩ් පීරිස් ඔටෝමොබයිල්ස් සමාගම සමඟ ඇතිකරගත් මෙම හවුල්කාරිත්වය හරහා පාරිභෝගිකයන්ට වඩාත් පහසු වාහන මූල්‍යකරණ විසඳුම් ලබාදීමට අපේක්ෂා කරන බව සමාගම් දෙක සඳහන් කර ඇත.