මැදපෙරදිග ආරක්ෂක මෙහෙයුම් වෙනුවෙන් ඇමරිකාව ඩොලර් බිලියන 29ක් වැය කරයි

මැදපෙරදිග කලාපය තුළ පවතින ආරක්ෂක අර්බුද හමුවේ ඇමරිකානු ආරක්ෂක අමාත්‍යාංශයේ (Pentagon) වියදම් වාර්තාගත ලෙස ඉහළ ගොස් ඇති බව වාර්තා වේ. පෙන්ටගනය නිකුත් කළ නවතම දත්ත වලට අනුව, ඉරානය ආශ්‍රිත මෙහෙයුම් සහ කලාපීය ආරක්ෂාව වෙනුවෙන් ඇමරිකාව දැරූ වියදම ඇමෙරිකානු ඩොලර් බිලියන 29ක් දක්වා ඉහළ ගොස් ඇත.

ආරක්ෂක අමාත්‍යාංශය මීට පෙර ඇස්තමේන්තු කර තිබුණේ මෙම වියදම ඩොලර් බිලියන 25ක් පමණ වනු ඇති බවයි. නමුත් පහත කරුණු හේතුවෙන් එම මුදල තවත් ඩොලර් බිලියන 4කින් ඉහළ ගොස් තිබේ:
දීර්ඝ කාලීන මෙහෙයුම් නිසා ක්ෂය වූ අවි ආයුධ සහ වාහන නඩත්තු කිරීම.
නවීන තාක්ෂණයෙන් යුත් ආරක්ෂක පද්ධති සහ පතොරම් තොග අලුතින් එක් කිරීම.
කලාපය තුළ භට පිරිස් රඳවා තබා ගැනීම සහ ප්‍රවාහන වියදම් ඉහළ යාම.

පෙන්ටගන නිලධාරීන් පෙන්වා දෙන්නේ ඉරානය සමඟ පවතින මෙම වක්‍ර හෝ සෘජු යුධමය වාතාවරණය ඇමරිකානු ආරක්ෂක අයවැයට දැඩි බලපෑමක් එල්ල කර ඇති බවයි. මෙය ඉදිරි වසරේ ආර්ථික ප්‍රතිපත්ති කෙරෙහිද බලපෑම් ඇති කළ හැකි බව විශ්ලේෂකයෝ පවසති.