මහාචාර්ය කපිල පෙරේරා අමාත්‍යාංශ ලේකම් ධුරයට සමුදෙයි

ප්‍රවාහන, මහාමාර්ග හා නාගරික සංවර්ධන අමාත්‍යාංශයේ ලේකම් මහාචාර්ය කපිල පෙරේරා මහතා සිය ධුරයෙන් ඉල්ලා අස්වීමට තීරණය කර තිබේ.

මෙම තීරණය සම්බන්ධයෙන් මහාචාර්යවරයා විසින් රාජ්‍ය පරිපාලන, පළාත් සභා හා පළාත් පාලන අමාත්‍යාංශය වෙත නිල වශයෙන් දැනුම් දී ඇති බව වාර්තා වේ. මීට අමතරව, සිය ඉල්ලා අස්වීම පිළිබඳව ජනාධිපති අනුර කුමාර දිසානායක මහතාද දැනුවත් කර ඇති බව ආරංචි මාර්ග සඳහන් කරයි.

මහාචාර්ය කපිල පෙරේරා මහතා ලේකම් ධුරයෙන් ඉවත්වීමෙන් අනතුරුව යළි විශ්වවිද්‍යාල ශාස්ත්‍රීය සේවයට එක්වීමට නියමිතය. ඔහු මොරටුව විශ්වවිද්‍යාලයේ හිටපු උපකුලපතිවරයෙකු ලෙස කටයුතු කරමින් උසස් අධ්‍යාපන ක්ෂේත්‍රයේ දීර්ඝ කාලයක් සේවය කළ ප්‍රවීණයෙකි.