මුහුද ඉතා රළු වෙයි, ලංකාව වටා වෙරළ තීරයන් රැසකට බලපාන අන්තරායකර තත්ත්වය මෙන්න!

දිවයින වටා වන මුහුදු ප්‍රදේශ කිහිපයක සුළඟේ වේගය ඉහළ යාම සහ මුහුද රළු වීම හේතුවෙන් විශේෂ අවවාදාත්මක නිවේදනයක් නිකුත් කිරීමට කාලගුණ විද්‍යා දෙපාර්තමේන්තුව පියවර ගෙන තිබේ.

මෙම හදිසි අනතුරු ඇඟවීම හෙට (07) පස්වරු 11.40 දක්වා වලංගු වන පරිදි බලපැවැත්වෙන බව එම දෙපාර්තමේන්තුව සඳහන් කරයි.

පැයට කිලෝමීටර් 60-70 දක්වා තද සුළංකන්කසන්තුරය සිට මන්නාරම හරහා කල්පිටිය දක්වා වෙරළට ඔබ්බෙන් වන මුහුදු ප්‍රදේශවල සුළඟේ වේගය විටින් විට පැයට කිලෝමීටර් 60-70 දක්වා ඉතා ඉහළ අගයකින් වැඩි විය හැක.

මේ හේතුවෙන් එම මුහුදු කලාප විටින් විට ඉතා රළු වීමේ අවදානමක් පවතී.පැයට කිලෝමීටර් 50-60 දක්වා තද සුළංපහත සඳහන් මුහුදු ප්‍රදේශවල සුළඟේ වේගය විටින් විට පැයට කිලෝමීටර් 50-60 දක්වා වැඩි විය හැකි අතර, එම මුහුදු ප්‍රදේශ ද විටින් විට රළු වීමට ඉඩ ඇත,

* ත්‍රිකුණාමලය සහ මුලතිව් හරහා කන්කසන්තුරය දක්වා වෙරළට ඔබ්බෙන් වන මුහුදු ප්‍රදේශ
* කල්පිටිය සිට කොළඹ, ගාල්ල සහ හම්බන්තොට හරහා පොතුවිල් දක්වා වෙරළට ඔබ්බෙන් වන මුහුදු ප්‍රදේශ

සුළඟේ බලපෑමත් සමඟ මුහුදු රළ සම්බන්ධයෙන් ද කාලගුණ විද්‍යා දෙපාර්තමේන්තුව විශේෂ අනතුරු ඇඟවීම් නිකුත් කර තිබේ.

මන්නාරම සිට කොළඹ, ගාල්ල සහ හම්බන්තොට හරහා පොතුවිල් දක්වා වෙරළට ඔබ්බෙන් වන මුහුදු ප්‍රදේශවල මුහුදු රළ උස මීටර් 2.0 සිට 2.5 දක්වා ඉහළ යාමේ හැකියාවක් පවතී.

* හලාවත සිට කොළඹ සහ ගාල්ල හරහා මාතර දක්වා වෙරළ ආසන්න ප්‍රදේශවල මුහුදු රළ ගොඩබිමට පැමිණීමේ (රළ ගෙඩි වෙරළට ගැසීමේ) හැකියාවක් පවතින බව ද පෙන්වා දී ඇත.

* ධීවර හා නාවික ප්‍රජාවට උපදෙස්පවතින මෙම අනතුරුදායක කාලගුණික තත්ත්වය හේතුවෙන්, ඉහත සඳහන් කළ මුහුදු ප්‍රදේශවල දෛනික කටයුතුවල නිරත වන ධීවර සහ නාවික ප්‍රජාව මේ පිළිබඳව ඉතාමත් අවධානයෙන් හා ප්‍රවේශමෙන් කටයුතු කරන ලෙස කාලගුණ විද්‍යා දෙපාර්තමේන්තුව කාරුණිකව ඉල්ලා සිටියි.